قصيدةالبازغابلي فالصيادة
واحد والع بالصيادة و القادة
لاخر مولوع بالمسير على رجليه.
واحد والع بالعشق فيه عبادة
لاخر مولوع بالكتاب يناظر فيه.
وانا والع بالغزال راني نشكر فيه.
بيّا جرى باه إنسي قيس فـيما جرالو
اللي نحدثـو يستغرب بيـما صارلي
مير الغرام وصّى عني يا لايـمي رجالو
ما خفت غير روحي يدّيها قبل أجلي.
طالب عن خلافي وأمامي واقـفة بـطالو
اللي هويت غايــب عني بهواه صاقلي
مادرت ليه باه إيـغيّب ولا عرفت مالو
بلا سباب ما ضنيتو عمري إيغيب لي.
طويت غصتي في حشايا وصبرت عن نكالو
واذا غاب شملالي قلت الله كان لي.
البازغابلي فالصيادة ما ريت كي بحالو
لله واش ما ريتو ليا طيرغابلي
البازغابلي فالصيادة ما ريت كي بحالو
لله واش ما ريتو بدر الزين غابلي.
طير خلالي حبو في ساكني ولا رمت خليل
كيف يزهالي شي زهو باش كنا في نهار أو ليل.
جازت ليالي بالفرح والسرور أو حسن التاويل
كم من مسالي ولا من الفراق سرور أو تنكيل.
ضاع راس مالي تمثيل حرث من لا وفّاه السـيل
غاب شملالي خلّى جلاجلو عندي والقبـيل.
أواه يا اللي خلّى لي في مرسمي خيالو
حتى حوايجو خلاهم ليّا في منزلي
إذا نشوفهم كا نتفكر صورتوأوحالو
بيهم كان يرفل قبل ان لا إيمرّلي.
جبة من الموّبر لخضر خاتم على نجالو
ومجادل الحرير من لا يظفرها مجادلي
مقـايص الذهب كانت في إيمينو مع شمالو
وعـلى نواجلو درت حجابات وجداولي.
في قلب مرسمي كان إيصول بكل ما زهالو
ومعاه كل يوم أنزايه والوعد ساق لي
خرجت بيه نصطاد ويفاجي لخاطري هوالو
بـصيادتو أنكّد لعدى وأنسلي أهلي.
سرحتلو تماقو طلقتو سار عن كمالو
ما كان لي في ضني إيغيب والضن خاب لي
عيّيت مانخبر واللي نلقاه كا نسالو
ما جابلي لخبر نجلي فارس او راجلي.
أما من الدجى راقبت أنجومو حتى نشــالو
وأما من نهار صرفتو والتـاج ضاع لي.
البازغابلي فالصيادة ما ريت شي بحالو
لله واش ما ريـتو بدر الزين غابلي.
غـيبة الغالي ساعة بعام والعام فالدهر طويل
اجـلت بموالي للي يوريلي ليه سبيل
كويت عدّالي حتى يعود ليا ما فات قبيل
كان نادى لي وقـت انعود عنو جراد ابديل.
من فاس جاء لبوساسي يتسرى على جوالو
ما جاب لي خبر ولا شهّد ما إيقول لي
ولا دشــور تازار اقاصي تعرفو جبالو
من زار بورديف السالي سقصى أو سال لّي.
من باب تافرطة للظهرة الكل جو وجالو
أدخل على فم الصحرة عربي سواحلي
من واد نون للبهجة الحمرة جابها قبالو
اسلى مع الطوات أو مكناس أو فاس منــزلي.
ما جاب لي خبر التصحيح ولو بقول قالو
ما أوّجدتو في وّطن عامر أوّ في خلي
لو كان في برك لا قالو لّي لا إيكيدني أوّصالو
باقي اللّي إيجيب اخبارو ولا إيقول لّي.
البازغابلي فالصيادة لا ريت كي بحالو
لله واش ما ريتو ليا طيرغابلي
البازغابلي فالصيادة لا ريت كي بحالو
لله واش ما ريتو بدر الزين غابلي.
طاش لي بالي ولا من الفراق طيشة النوم جفيل
هاجت اهوالي على فراق بوثيثين في تهويل
صرت أبمالي جفاوني ولاحالي لا حال أنحيل.
جـلت مادالي ولا نظرت عوّضو في طيار جميل
شندق لهلالي من روس الحرار امأصل تأصيل
أنظرت بنجالي مثيل صرتو ما هي في جيل.
الليث كان يخشاه أو بيه يتسكتو شبالو
نسـور أو لعقابــات أو ليطورات جاب لي
من بيه كنت حامد نصطاد ناخذو على معالو
الرن والمهر أو لـروّين يدري إيصيد لي.
ليمام أو لحمام أو لقطى واشنهو أقبالو
واما البوم ما يتبرّم ليها تراكلي
خوفي إيصادفوه عدايا وإيقطّعو حبالو
يفديوّ فيه ثار المغلوب ألا إيقّد لي.
نطلب خالـقي ينقذ ليه من الوشات حالو
ويـلمّنا وسط العدوة في مقامـنا العالي
نغنمو السرور ألّي فات وأيامنا طوالو
ونقـبلو كما كنت في سرج هيكلي.
من راس واد فاس لراس سمو ناخذو على كمالو
وانا على نزايه باش يجيني عواجلي.
البازغابلي فالصيادة لا ريت شي بحالو
لله واش ما ريتو لـيّا طير غابلي
البازغابلي فالصيادة لا ريت شي بحالو
لله واش ما ريتو بدر الزين غابلي.
كنت مادالي فصل الربيع نخرج بكرة واصيل
فوق الملاّلي لدهم كيف جاء من عتّاق الخيل
أنبيّض اتوالي غشوة الشاربة والغرّة قنديل.
النخل الفالي على جوانحو جرّد زوج
الكف المالي السبيب كي لحرير فالرقبة والذيل
سرج الفيلالي وشطارة الموّبر فـوق المنديل.
مهامز تلالي اركاب من الذهب أو ريقو تنيّيل
مرصع الآلي واللجام بالدرر مكلّل تكليل
صُلت بنصالي لجوام طابعو صوّانة والصيل.
جواب ورمالي نصطاد بيه وانجيب الصيد قتيل.
من بعد الصيادة ننشالو بالزهو حالو
اللّي هويت بعد جفاني بمجيه جاد لي
غنمت فالزمان اوصالو وشفـيت في جمالو
ترى مالكي ينشدلي ترى إيكب لي.
وحنا في قلب قبة تاجر ما حازها بمالو
ولطـيار في لغصان إيغـنيو على محافلي
أسمي في ثـنـين أو تسعين منهي على كمالو
واللي سولك يا حفاظي قـول بن علي.
شريف من اوّلاد المختارأمخيرين آلو
نطلب خالقي بكمال التوبة إيجود لي
اللي ينظم حلّة يهدي لنبي قوالو
لا ينظام حالي مرجوعي لله خير لي.
سلام ربنا على الودبة ما برّحو أو قالو
بالورد والزهر أو نسري ومسـوك عدّلي
طرشون مرّلي فالصيدة ما ريت كي بحالو
لله واش ما ريتو ليا طيرغابلي.
البازغابلي فالصيادة لا ريت كي بحالو
لله واش مـــا ريـــتو ليا طيرغابلي
البازغابلي فالصيادة لا ريت كي بحالو
لله واش ما ريتو بدر الزين غابلي.
للمشاهدة و الاستماع
Best Of Chaabi Eddiwane تمكنكم من هنا مشاهدة الفيديو, للاستماع و الاستمتاع بهذه القصيدة الرائعة.
للتحميل
كما تمكنكم Best Of Chaabi Eddiwane من تحميل هذه القصيدة بمختلف الصيغ, ما عليكم الا اختيار الصيغة التي ترغبونها و شكرا.
تعليقات
إرسال تعليق